Bin seit letztem Montag in meina Wohnung! *juhuu* isch echt voll schön und groß. Bin froh, dass i im ersten Stock bin, so muss i koa Angst vor Spinnen und Kakalaken ham ….. :)Mei Digikam geht im Moment nid gscheid, Fotos folgen no ….

Ja, was gibt’s sonst no zu berichten…. War letzte Woche am Amazonas! Scho beeindruckend, aba da Strand dort isch ziemlich dreckig….wie ihr aufm Fotos sehn könnts hats ziemlich fest gwindet*grins* Müsst euch unbedingt des Fotos mitm Fahrverbotsschild überm Radweg anschaun…..die Brasilianer kennen sich bei die Verkehrszeichen wohl nid so gut aus, hm?!?!

Bin ganz glücklich mit meinem Leben da! Kann am Freitag mit paar Brasilianer Fußball spielen, hab an kleinen Swimmingpool zu schwimmen und joggen war i a scho paar mal. Vorgestern war i mal in am englischen Gottesdienst da aufm Gländ und hab endlich mal mit paar richtige Brasilianer quatschen können. Ja, sie sein echt volle offen und nett!:)

Morgen geh ma mit unsra Portugiesisch-Lehrerin auf so a Buchausstellung, bin scho gspannt wie des dort isch! (bine, i würd di echt gern mitnehmen:)

Also bis bald!

hug,

Sarah:)

Jaja, wie ihr seht habi jetzt endlich bissl Sprachschule! Heut hab i mei zweite Stunde ghabt bei da Liliane. Sie isch voll a nette Lehrerin und i glaub bei ihr lernt ma echt viel. Ham scho bissl quatschn können heut:)

Habs endlich gschafft paar Fotos rauszutun, aba mei Compi isch so langsam. Wenn i dann a fixe Internetverbindung hab kann i no mehr drauf tun. Ja, irgendwann in den nächsten Tagen übersiedel i in mei eigene Wohnung. Freu mi scho aufs WG-Leben, a wenn i eure vielen Besuche sicher vermissen werd!!!

Also dann, até ja! (bis bald)

Vermiss euch!

Sarah:)

Ja es ist wahr!! I bin in Brasilien, genauer gesagt in Belém in der Stadt der Mangos. Ja Früchte gibt’s da echt volle viel und die selbergemachten Fruchtsäfte sein einfach genial! A sonst isch des Land volle schön! An die Hitze und die vielen Mücken habi mi langsam a gwöhnt.

Hab scho versucht mi den brasilianischen Sitten anzupassen: Mei Versuch in da Hängematte zu schlafen isch scho zweimal missglückt, dass i des Klopapier nid ins Klo sondern in Müll schmeißen darf, weil sich’s sonst verstopft habi a scho mal vergessen……dreimal am Tag duschen tu i eigentlich freiwillig und s Essen isch eigentlich eh voll gut!

Kurz gsagt geht’s ma gut und i freu mi imma wieda mal was vo euch zu hören!

Abraco,
Sarah:)

Ja Leute, heut in eina Woche flieg i!!!....i weiß nid ob i mi mehr freu, aufgregt bin vor dem, was auf mi zukommt, oder ob i traurig drüba bin, dass i euch alle dann nimma so oft sehn werd. Hoff auf jeden Fall, dass i dann bissl öfters Beiträge schreiben und euch Fotos zeigen kann vom schönen Brasilien!:)

Bin im Moment scho fleißig beim Packen. Isch lei bissl schwierig, weil i lei 20 kg mitnehmen darf und alles abwiegen muss. Hat jemand vielleicht an Tip, wie i mei Zeug leichter machen kann???

Hoff ihr kommts dann no alle zu meiner Abschiedsfeier am Sonntag um 9:30 im Novum! (Tini, isch echt schad, dass du nid dabei sein kannsch*seufz*) Sonst könnts ja a no zum Flughafen kemmen: I flieg am Dienstag, den 16.08. um 18:25, solltets halt a Stund früher scho dort sein.

Also, i freu mi, wenn i euch no mal live erleben kann, müssts ma auf jeden Fall ganz viel schreiben!

Bom dia!

nachdem i scho lang nix mehr vo mir hab hören lassen hab i ma gedacht ischs wieda mal Zeit für an Eintrag!
Es gibt paar wichtige News die wahrscheinlich die meisten vo euch interessieren: I kann jetzt doch scho am 16. August nach Brasilien fliegen! *juhuuu* ...hab nämlich s Visum nid kriegt und flieg jetzt mitm Touristenvisum...
Des heißt i werd manch vo euch gar nimma sehn*seufz* Aber bitte haltets euch n 14. August frei-würd gern no so a kleine Abschiedsfeier machen!!

hoffentlich bis bald!

cu,
Sarah:)